Paso 1: Para empezar
No século VI, en Oriente florece o Imperio bizantino e Xustiniano foi aclamado emperador. A vida
transcorre próspera e tranquila na brillante Constantinopla, pero hoxe… algo
sucedeu!
Uns desalmados roubaron os planos para a
construción da igrexa de Santa Sofía. O seu
arquitecto teme as represalias do emperador! Necesita volver trazar o deseño
antes de que as iras de Xustiniano caian sobre el, pero precisa axuda con
urxencia. Poderías prestarlla ti? Se o consegue revolucionará a historia da
arquitectura…
A que esperas? Non hai tempo que perder!
Paso 2: Percorre o camiño
Comeza por facer un repaso sobre a
cultura bizantina e despois contesta no teu caderno as
preguntas.
- Cales son as orixes de Bizancio?
- Que culturas influíron na bizantina? Que
achegaron esas culturas?
- O Imperio bizantino viviu o seu apoxeo
en tempos de Xustiniano. Poderías sinalar que logros destacaron durante o seu
reinado?
Paso 3: Percorre o camiño
Agora centrarémonos na arquitectura bizantina e analizaremos as súas
principais características. Realiza os exercicios no teu caderno.
Fai un breve resumo no que indiques cales
son os períodos da arte bizantina, as peculiaridades da súa arquitectura:
materiais, cúpulas, tipos de planta, arte figurativa...
Nomea dúas igrexas importantes en
Constantinopla e Rávena.
Finalmente, investigarás sobre a famosa
igrexa de Santa Sofía e anotarás no teu caderno as características máis
importantes da súa construción.
Aquí poderás descargar imaxes que ilustren o teu
traballo.
Alcanza a meta
Só queda trazar o deseño da igrexa de
Santa Sofía. Debuxa, coa axuda das imaxes que descargaches, a planta, a bóveda,
os muros e os minaretes. A igrexa oriental máis importante de todos os tempos
está en marcha!
Avalíate
Para valorar a túa tarefa, sigue os
seguintes pasos:
1. Imprime a folla de avaliación.
2. Valora do 1 ao 5 o nivel de dificultade que encontraches nos diferentes pasos. Ten en conta que o 1 implica ningunha dificultade e o 5 moita dificultade.
3. Para rematar, valora o teu traballo do 1 ao 10.
2. Valora do 1 ao 5 o nivel de dificultade que encontraches nos diferentes pasos. Ten en conta que o 1 implica ningunha dificultade e o 5 moita dificultade.
3. Para rematar, valora o teu traballo do 1 ao 10.
No hay comentarios:
Publicar un comentario